Касцёл Святых апосталаў Пятра і Паўла — помнік архітэктуры эклектыкі.
Пабудаваны з цэглы ў 1908 годзе па праекце архітэктара С. Шылера ў в. Мядзведзічы Ляхавіцкага раёна.
Уяўляе сабой аднавежавую трохнефную базіліку. Цэнтральны неф падоўжаны пяціграннай алтарнай часткай. З двух бакоў да яе прылягаюць рызніцы. Галоўны фасад мае ступеньчатую ярусную структуру. Выступы па баках фасаду згладжаныя валютамі. Нефы перакрытыя цыліндрычнымі скляпеннямі, упрыгожанымі дэкаратыўным арнаментам.