Касцёл — помнік манументальнай архітэктуры позняга барока і ракако.
Парафіяльны касцёл св. Юр'я ў в. Варняны, пабудаваны ў 1767—1769 гг. па фундацыі ўладальніцы мястэчка Марыі Абрамовіч з цэглы на месцы ранейшага храма паводле праекта архітэктара А. Касакоўскага. Касцёл дабудоўваўся ў 1880 г. і 1909 г. Да пачатку 1980-х гг. быў у запусценні. Рэстаўрыраваны і перададзены вернікам, асвячоны 11.3.1990 г.
Дом аптэкара і плябанія (1770) утвараюць перад касцёлам раскрыты на плошчу курданёр. Алтары храма ўпрыгожвалі абразы мастака С. Чаховіча і яго вучняў.